ഇതുവരെ പാടിയ പാട്ടുകള്‍കെല്ലാം ഇനിയും മറയാത്ത ഓര്മതന്‍് ശ്രുതി ..
ഓര്‍മതന്‍ പടവുകളില്‍ ഒരുമിച്ചു നടന്ന വേനല്‍ പകലിന്‍ കുളിര് ..
നിശബ്ദമായ രാത്രികള്‍ക്ക് ..നിലയ്ക്കാത്ത ചിരിയുടെ പ്രതിധ്വനി
നിഴലുകളില്‍ നീ മറഞ്ഞു നില്‍കുന്ന മിഴികള്‍ ..
ഓര്‍മകളിലേക്ക് മടങ്ങാന്‍ ഏത് ലഹരിയുടെ വാതിലുകള്‍ ...
ഓര്‍മകളില്‍ നിന്നു എന്നിലേക്ക്‌ മടങ്ങാന്‍ ഏത് വെളിപാടിന്റെ ദിനം
പ്രണയം മയില്‍‌പീലി പോലെയാണ് ..
അലസ്സമാകുമ്പോള്‍ മൃദു നിറം ..മനസ്സുപോലെ
ഗാഡമാകുമ്പോള്‍ തീവ്രമാകുന്ന നീല ..
ആര്ദ്രമാകുമ്പോള്‍ നീലയായി മാറുന്ന പച്ച ....
കാത്തിരിക്കുമ്പോള്‍ തവിട്ടു നിറം ..
ഓര്‍മകളില്‍ ഒരു മഴവില്ല് ..
തഴുകുമ്പോള്‍ ..ഒരു നേര്‍ത്ത സാന്ത്വനം..
അടുത്തറിയുമ്പോള്‍ ആകെ കറുപ്പ് ..ചെറിയ മുള്ളുകള്‍ ...
എന്റെ പൂക്കൂട നിറയുന്നത് ...
എന്നും നിനക്കു വേണ്ടി യായിരുന്നു
നീ നടക്കുന്ന വഴികളില്‍ ..
നീ അറിയാതെ ഞാന്‍ പൂവിരിച്ചു ..
നീ വരുവാന്‍ രാത്രികള്‍ എത്ര സ്വപ്ന പുഷ്പങ്ങള്‍ വിടര്‍ത്തി
വരണ്ടു വേനല്‍ പരന്ന വീഥിയില്‍ ഒരു വാക മരം പൂത്തു തണലായി
ഓരോ പൂവിലും ഒരു വിടരാത്ത സ്വപ്നം ഞാന്‍ മറച്ചു വച്ചു ..
നിന്റെ തലോടലില്‍ പ്രണയം വിടര്‍ത്തിയ പൂക്കളങ്ങള്‍ ..
ഓരോ നിറവും എന്റെ പ്രണയത്തിന്റെ ഓരോ ഭാവം പകര്‍ന്നു
ഇന്നത്‌ നീ പലനിറങ്ങള്‍ ചാര്‍ത്തി പ്രേമം തുടിക്കുന്ന പൂക്കളമാക്കി
