എവിടെയാണ് നീ പെയ്തോഴിഞ്ഞത് ..
ഈ കാത്തു നിന്ന വേനല്‍ കരിച്ച ..
പച്ച മറന്ന വിജനവനവഴികള്‍ ..
നിനക്കായ് കരുതിയ കാട്ടു പൂവുകള്‍ കൊഴിഞ്ഞു ..
സുഗന്ധം വിട്ടൊഴിഞ്ഞ വള്ളികുടിലുകള്‍ കയ്യൊഴിഞ്ഞു
നിറം വാരി ചൂടിയ കാട്ടു പക്ഷികള്‍ ..
നിന്നെ കാത്തു ..നിന്നീലേക്കൊഴിച്ചു അലിയുവാന്‍
ഹൃദയത്തില്‍ കാത്തു വച്ച കണ്ണുനീര്‍ തുള്ളികള്‍ ..
ഈ വേനലില്‍ തളര്‍ന്നു ബാഷ്പമായ്‌ നീല താമര ...
ഇടി നാദം ഹൃദയത്തില്‍ ഏറ്റു വാങ്ങി ..
ഓരോ മിടിപ്പിലും തേടിയെത്തുന്ന നിന്‍റെ കാലടികള്‍
സ്വപ്നം കണ്ടു പുല്‍പൂവുകള്‍ ..
ഇപ്പോള്‍ മാനം കറുക്കുന്നു അറിയില്ല പെയ്തൊഴിയുമോ ..?
