വൃത്തം

നീയും ഞാനും ..

വീണ്ടും ഈ വൃത്തത്തിന്റെ പുതിയ തുടക്കത്തില്‍ ..

ഈ കടല്‍ തീരത്ത് തിരകള്‍ വീണ്ടും വീണ്ടും ..

വര്‍ണ വെളിച്ചം നിഴല്‍ വീണ തീരങ്ങള്‍ മഞ്ഞും തെളിഞ്ഞും ..

തിരകള്‍ മായ്ചെഴുതുന്ന പുതിയ ചിത്രങ്ങള്‍ ..

എന്നും പുതിയ വെളിച്ചം കുറിക്കുന്ന പകലുകള്‍ പോലെ ..

കടലികെക്കലസ്സം ഇറങ്ങി നടന്ന ഇണകളെ പോലെ ..

ആഴങ്ങലറിയാതെ ..ഇറങ്ങി നടന്നവര്‍ ..

ഈ രാത്രി നിനക്ക് ആശംസ ..

എന്നും നിറഞ്ഞ മനസ്സ് ,സ്നേഹം ..

നക്ഷത്രങ്ങള്‍ക്ക്

ഈ രാത്രി നിന്നെ കാണുവാന്‍

നക്ഷത്രങ്ങള്‍ താഴെയിറങ്ങും ..

ഒരു നക്ഷത്രം അകലെ നിന്നു

നിന്നെ കാണുന്നുണ്ടാവും ..

നിന്നോട് മാത്രം സ്വകാര്യമായി പറയാന്‍

ഒരു സ്നേഹ സന്ദേശവുമായി ..

നൊസ്റ്റാള്‍ജിയ

പഴയ കലിഡോസ്കോപില്‍ ഒന്ന് ചരിയ്ക്കുമ്പോള്‍

നിറം മാറി രൂപം മാറുന്ന ഒരു വളപ്പൊട്ട്‌ ..

പാതി സത്യവും പാതി മിഥ്യയുമായി

പുതിയ രൂപങ്ങളില്‍ ..

വളപ്പൊട്ടുകള്‍ ..

ഇടയ്ക്കെപ്പോഴോ ഉച്ചവെയിലില്‍

ചാഞ്ഞുപെയ്യുന്ന കുമിളകള്‍ ..

താഴെ എവിടെയും വീഴാതെ വീണ്ടും വീണ്ടും പെയ്യുന്നവ ..

ദൂരെ ആരോ വിളിക്കുന്നു തിരിച്ചു പോകുവാന്‍ നേരമായി

മഞ്ഞുകാലം

മഞ്ഞുകാലം പൊഴിച്ച ഇലകളെ കുറിച്ച്

കാറ്റ് പറഞ്ഞു ..

രാത്രി നിലാവിന്റെ വിരലുകള്‍

ചില്ലകളെ തൊട്ടു ഉണര്‍ത്തി ..

ഇതളിടാതെ വയ്യ ..

പുലരിയില്‍ പൊട്ടി വിരിഞ്ഞ

തളിരുകള്‍

ഉള്ളിലൊളിപ്പിച്ചത് ഒരു വസന്ത കാലം

നക്ഷത്രങ്ങള്‍ നിന്നോട് പറഞ്ഞത്

നിമിഷങ്ങള്‍ മഴപോലെ പെയ്യുന്ന

പകലുകള്‍ ..

നീ മഴവില്ല് പോലെ അകലെ ..

ഒരു വര്ഷം ഇനിയും കടന്നെത്തി

മഴവില്‍ പാലം കടന്നു ..

ഒരു കിനാവിന്റെ നിറം ചാര്‍ത്തിയ

കളിയോടം തുഴഞ്ഞു ..

നക്ഷത്രങ്ങള്‍ ..നിന്നോട് പറഞ്ഞത്

എന്താണ് ..ഉറക്കം നടിക്കാറുള്ള എന്നെ കുറിച്ച്..

ഉച്ചമയക്കം

ഉച്ചമയക്കം കഴിഞ്ഞുണരുമ്പോള്‍

പെയ്യുന്ന മഴ.....

കുളിരിന്റെ കരിമ്പച്ച കമ്പളം..

പടര്‍ന്ന പച്ചയില്‍ തട്ടി ഒരു വെളിച്ച തുള്ളി ..

പാതി മറന്നുപോയ ഒരു കിനാവ്‌

മഴ കടന്നുവരുന്നു ..

ഒറ്റയടി പാതയിലൂടെ

ഒറ്റയ്ക്ക് നടന്നു പോവുന്നോരാള്‍

പിന്‍വിളി കേട്ട് തിരിഞ്ഞു നോക്കുന്നത് പോലെ .

സ്വപ്നങ്ങളില്‍ നടക്കുമ്പോള്‍

പാല പൂത്ത മേടുകളില്‍ ..

പൊഴിഞ്ഞ ഇതളുകള്‍ ..പടര്‍ന്ന പൂമണം ..

ഒരു വിരല്‍ പാടകലെ..നീ

ഒപ്പം നടന്ന കാല്പാടുകള്‍ പിന്നില്‍

ഗന്ധം മാറിലൊതുക്കി നിശബ്ദം കിടന്നു ..

രാക്കിളികള്‍ ..ഒരു കീറു ചന്ദ്രന്‍ ..

പുലരുമ്പോള്‍

വിരലില്‍ ആരോ ചേര്‍ത്ത് വച്ച ഗന്ധം..

വിടരാന്‍ തുടങ്ങുന്ന പാല പൂവുകളുടെ ..

കണക്കു കൂട്ടലുകള്‍

പറയാന്‍ മറന്നതും

പാതിമനസ്സില്‍ പറഞ്ഞതും

സ്വപ്നത്തില്‍ പാതി മറഞ്ഞതും

എഴുതി കൂട്ടിയത് ..

എന്‍റെ ദിവസ്സങ്ങളുടെ പല മടങ്ങ്‌ ...

ലാവ

അഗ്നി പര്‍വതത്തിന്റെ

ചോര ഉരുകി പരന്ന വഴികള്‍

ഒരു ചുവന്ന പൂവ് പോലെ തോന്നും ..

ഒരു പക്ഷിക്ക് ..

പച്ചയ്ക്കും ..

മഞ്ഞിനും ..

സമുദ്രത്തിനും ..

അപ്പുറം നിശ്വാസങ്ങള്‍ ബാക്കിയാക്കുന്ന

ഒരു ചുവന്ന പൂവ്

പകല്‍സ്വപ്നം

എനിക്ക് നിന്നോട് പറയുവാന്‍ ഇനി ബാക്കിയായി
എന്നെ കുറിച്ചല്ല നിന്നെ കുറിച്ച് മാത്രം ..
എന്‍റെ ശ്വാസത്തിന്റെ ഉയര്‍ച്ച താഴ്ചകളില്‍
നീ പടരുന്ന പകലുകളെ കുറിച്ച് ..
കേള്‍ക്കുന്ന പാട്ടില്‍ നീ പകരുന്ന പുതിയ അര്‍ഥങ്ങളെ കുറിച്ച്
വര്‍ണങ്ങള്‍ക്ക് നിന്റെ നിര്‍വ്വചനങ്ങള്‍ ..
ഉറക്കം സ്വപ്നം തന്നെയാവുന്ന രാവുകള്‍ ..

ഞാന്‍ ഒരു പകല്‍ സ്വപ്നം മാത്രമാണ് ..

വര്‍ഷങ്ങള്‍ കൊഴിയുമ്പോള്‍

വേനല്‍ തിളയ്ക്കുമ്പോള്‍ അറിയാം

ഒരു കാറ്റില്‍ മഴ വരുമെന്ന് ..

പൊഴിഞ്ഞ പോയ ഇതളുകള്‍

വീണ്ടും തിരിച്ചെത്തുമെന്ന്..

ഊഷര ഭൂമിയില്‍

ഈറന്‍ പകലുകളില്‍ ഒരു നാമ്പ് ..

വിട ചൊല്ലി പിരിഞ്ഞവര്‍

വാതിലില്‍ മുട്ടി വിളിക്കും കിനാവുകളില്‍

കാലം എത്ര ചെന്നാലും

ഈ വഴി മറക്കാതെ ദേശാടന പക്ഷികള്‍ വരും ..

പുതിയ തീരങ്ങളില്‍ കൂടി കെട്ടി പാര്‍ക്കും ..

നാളുകള്‍ എത്രയായി നാം ഇവിടെ ഇങ്ങിനെ

ഓരോ പകലിലും മറഞ്ഞ നക്ഷത്രങ്ങളെ തിരയുന്നു

വര്‍ഷങ്ങള്‍ കൊഴിയുമ്പോള്‍

വേനല്‍ തിളയ്ക്കുമ്പോള്‍ അറിയാം

ഒരു കാറ്റില്‍ മഴ വരുമെന്ന് ..

പൊഴിഞ്ഞ പോയ ഇതളുകള്‍

വീണ്ടും തിരിച്ചെത്തുമെന്ന്..

ഊഷര ഭൂമിയില്‍

ഈറന്‍ പകലുകളില്‍ ഒരു നാമ്പ് ..

വിട ചൊല്ലി പിരിഞ്ഞവര്‍

വാതിലില്‍ മുട്ടി വിളിക്കും കിനാവുകളില്‍

കാലം എത്ര ചെന്നാലും

ഈ വഴി മറക്കാതെ ദേശാടന പക്ഷികള്‍ വരും ..

പുതിയ തീരങ്ങളില്‍ കൂടി കെട്ടി പാര്‍ക്കും ..

നാളുകള്‍ എത്രയായി നാം ഇവിടെ ഇങ്ങിനെ

ഓരോ പകലിലും മറഞ്ഞ നക്ഷത്രങ്ങളെ തിരയുന്നു

പനിനീര്‍പൂവുകള്‍ വിരിയുന്നത് ..

പ്രതിരോധത്തിന്റെ മുള്ളുകള്‍
ഉള്ളിലെക്കാഴ്ന്നു തറയ്ക്കുമ്പോള്‍
ഹൃദയത്തില്‍ നിന്നു ചിന്തുന്നത് ..
ചുവന്ന പൂവുകളായി വിരിയും ..
ദലങ്ങളില്‍ പൊടിയുന്നത് ..
രക്ത ബാഷ്പങ്ങള്‍ ..


അപ്പോഴും ഉള്ളില്‍ നിറയുന്നത് ..
കിനാവുകളുടെ സുഗന്ധമാണ്

വിങ്ങലുകള്‍

മുറിവുകള്‍ ബാക്കിയാകുന്നു എന്ന് ഒരു വിങ്ങല്‍ വിളിച്ചു പറയും
ഉള്ളില്‍ തമ്മില്‍ അകന്ന നിമിഷത്തിന്റെ ഓര്‍മയ്ക്ക്
പാതി ഉണങ്ങിയ മുറിവിന്റെ താഴെ തമ്മില്‍ ചേരാന്‍ ഒന്ന് മടിക്കും
വീണ്ടും ചേര്‍ന്ന് നില്‍ക്കുമ്പോള്‍ ഒരു തടിപ്പ്
അകന്നു നിന്ന നിമിഷ്ടതിന്റെ ഒരു ശേഷിപ്പ്
അകന്നു പോകും ഈ ദിനങ്ങളും
മാഞ്ഞു പോവും ആ വടുക്കളും
ഉള്ളിലെങ്കിലും ഒരു വിങ്ങല്‍
ഉറങ്ങാന്‍ മറന്ന രാത്രികളില്‍ അറിയാതെ ഉണരും

എനിക്കിഷ്ടമാണ്

എനിക്കിഷ്ടമാണ് ഒരു പഴയ ചിത്രം നിനക്ക് തരുവാന്‍

ഓര്‍മകളുടെ വര്‍ഷ മേഘങ്ങളെ പെയ്യിക്കുവാന്‍ ..

എനിക്കിഷ്ടമാണ് നിശബ്ദതയുടെ മഞ്ഞുതുള്ളികള്‍ക്ക്

സ്വപ്നത്തിന്റെ നിറം കൊടുക്കുവാന്‍ ..

(ചിലപ്പോ മഞ്ഞു തുള്ളികള്‍ക്ക് കറുത്ത നിറമാവും .!)

എനിക്കിഷ്ടമാണ് നിനക്കായി പാലപ്പൂവിന്റെ ഗന്ധം

വസന്തമാരുതന്റെ കൂടെ പകരാന്‍ ..

എനിക്കിഷ്ടമാണ് നിന്‍റെ പ്രിയഗാനം പൌര്‍ണമി രാത്രികളില്‍

ഉറങ്ങാതെ കേട്ടിരിക്കാന്‍ ..

എനിക്കിഷ്ടമാണ് ,ഇടയ്ക്ക്

നിന്‍റെ സഹനങ്ങളുടെ വേനല്‍ കാറ്റിനു ചെവിയോര്‍ക്കാന്‍ ..

ഒരു നേര്‍ത്ത മൌനത്തിന്റെ വിങ്ങല്‍ ഉള്ളിലെക്കൊഴുക്കാന്‍ ..

ഒന്നും പറയാതെ നിശബ്ദതയുടെ ശബ്ദം കേള്‍ക്കാന്‍ ...

പിണക്കങ്ങള്‍

ഞാനെപ്പോഴും നിന്നോട് പിണങ്ങാറുണ്ട്..

നീയറിയാതെ ..

എന്നിട്ട് ദൂരേയ്ക്ക് നടന്നു പോകും ..

അപ്പോഴൊക്കെ നീ അവിടെ തന്നെയുണ്ടോ എന്ന് നോക്കാന്‍ തോന്നും

പോയ ദൂരം മുഴുവന്‍ തിരിച്ചു നടക്കും

അപ്പോള്‍ നിലാവും പൂക്കളും ഒന്നുമുണ്ടാവില്ല വഴിയില്‍ ..

പിന്നെ നിന്നെ കാണുമ്പോ ഞാനത് ,

നിന്നോടുള്ള പിണക്കം എന്തിനായിരുന്നു എന്ന്

മറന്നു പോകും

തെറ്റിയ വഴികള്‍

ഇന്നലെകളില്‍ തെറ്റിയ വഴികളാണ്
എന്നെ നിന്നടുത്തെത്തിച്ചത് ..
നിന്നിലെക്കെത്താന്‍
അല്ലെങ്കില്‍ എന്നിലേക്കെത്താന്‍
എവിടെയോ
അവ ശരിയായ വഴികളായിരുന്നു..

ഒരു തലോടല്‍

ആര്‍ദ്രമീ ശ്രവണ നിലാവിന്റെ തലോടലില്‍ സഖീ

നിനക്കായി വിടര്‍ന്ന ഇതളുകള്‍

നിന്നെ തലോടിയെതിയ കാറ്റിനെ

ചെറു സ്പന്ദനം കൊണ്ട് തൊട്ടയയ്ക്കുന്നു.

തിരികെ നിന്നടുത്തെത്തുവാന്‍

നേര്‍ത്ത സുഗന്ധം മറുവാക്കായ് ഓതുവാന്‍..

ഒരു വര്‍ണ പൂക്കളം ഉള്ളില്‍ വിരിച്ച ഓര്‍മകള്‍

മറ്റൊരു വസന്തമാകുന്നതറിയുന്നു ഞാന്‍ ..

ഇന്നീ രാവിനു മോഹനം നിന്‍റെ സാമ്യം

വര്‍ണം ഉള്ളില്‍ നിറഞ്ഞ ഈ ഓണരാവുപോലെ നീ സഖീ ..

മറ്റെന്തു നിന്നോട് മംഗളം പറയുവാന്‍ എന്നും പുഞ്ചിരി വിടര്‍ത്തും പ്രഭാതങ്ങള്‍ ..തലോടുന്ന കുളിര്‍ കാറ്റും..

ശ്രാവണ നിലാവ്

ഇനി വിടരുന്ന രാവുകള്‍ക്ക്‌ ഓര്‍മകളില്‍ വിരിഞ്ഞ
സ്വപ്നങ്ങളുടെ ഗന്ധം പകര്‍ന്നിരിക്കും ..
വിരുന്നു വരുന്ന ഇന്നലെകള്‍
കൈപിടിച്ച് തമ്മില്‍ കൈകോര്‍ത്തു നടന്നു വരും ..
മറഞ്ഞു പോയവര്‍ ..
പൂക്കളത്തില്‍ നിന്നു മറഞ്ഞ പൂവുകളെ പോലെ ..

ശ്രാവണ നിലാവിന്റെ തലോടലില്‍ ഒരു പൂവ്
എനിക്കായി കാറ്റില്‍ പകര്‍ന്ന സുഗന്ധം
കാത്തു ഈ രാത്രി ഞാന്‍ ഉറങ്ങാതെയിരിക്കും
നീ വിടര്‍ന്ന രാത്രിയെ ഓര്‍ത്തു ..

ഫോട്ടോഷോപ്പില്‍ പൂക്കളം വരയ്ക്കുമ്പോള്‍

സിദ്ധി

നീ എന്നോട് പറയതതെന്തു ..
ഇതിനു മുന്‍പ് നാം കണ്ടു പിരിഞ്ഞ ആ
യുഗസന്ധ്യയുടെ പിന്കഥകള്‍ ..
നടന്നു മറഞ്ഞ പകലിനു മുന്‍പ് നാം ചേര്‍ന്ന് പാടിയ വിഷാദ ഗാനങ്ങള്‍ ‍
നീ എനിക്കായി നീട്ടിയ ഒരു പനിനീര്‍ പൂവ് ..
ഓര്‍മകളുടെ വരം അന്യമായ ഈ ജന്മത്തില്‍
നിന്നെ തൊട്ടറിയുന്നതേതു സിദ്ധി
നിന്റെയോ ..? എന്റെയോ..?

പാരിതോഷികം

വഴികള്‍ നീണ്ടു കിടന്നു ..

ചാരെ നീ നടക്കുന്നതറിഞ്ഞത്ഹൃദയമിടിപ്പിനാല്‍..

അറിയാതെ വഴി മറന്നു ഉറങ്ങിയ വഴിയമ്പലങ്ങളില്‍

ഉണര്‍ത്താന്‍ വഴി മറക്കാതെ കൂടെ നടക്കാന്‍ ..

നീ കൂടെ നടന്നു ..

എവിടെ നിന്നാണ് നീ വന്നത് ?

മറന്നു പോയ ഏതു ജന്മത്തില്‍ നിന്ന്..?

നിനക്കായി കരുതി വെയ്ക്കാന്‍ ഒരു പാരിതോഷികം

എനിക്കറിയില്ല അത് എവിടെ കിട്ടുമെന്ന്

രാത്രി മഴ ബാക്കിയാക്കിയത് .

പാതി മയക്കത്തില്‍ വെട്ടി തെളിഞ്ഞ മിന്നല്‍ വെളിച്ചത്തില്‍

വെളുത്ത മഴയുടെ പൊട്ടിച്ചിരിയില്‍ ..

ഈറന്‍ കാറ്റ് പുണര്‍ന്ന ഉന്മാദം ..

തലകുനിഞ്ഞു ചിരിച്ചൊരു മന്ദാരം ..

ഒരു വിരല്‍ തൊട്ടെടുത്തു ..

രാത്രി മഴ ബാക്കിയാക്കിയത് ..

ഈറന്‍ കാറ്റ് തൊട്ടുണര്‍ത്തിയ ഉന്മാദം ..

മഴക്കുട

ചാര മേഘങ്ങള്‍ മൂടിയ ആകാശത്തിനു കീഴെ

വരണ്ട പകലുകള്‍ തളിര്‍ ത്തത്

ഈ മഴക്കുടയ്ടെ തണലില്‍..

ആര്‍ദ്രതയുടെ പകലുകളാണ്

നിശബ്ദമായി പൂവുകളെ തൊട്ടുണര്‍ത്തിയത്

ഈ കുടയുടെ പൊഴിയുന്ന തുള്ളികളിലാണ്

ഞാന്‍ എന്നെ അറിഞ്ഞത്

എന്‍റെ ജാലകത്തിനപ്പുറം ഒരു ചെമ്പകം

മഴയുടെ ചുംബനതിലലിഞ്ഞു

ഒരു നിറഞ്ഞ നിലാവിന്റെ രാത്രിയെ സ്വപ്നം കാണുന്നു

മഴതുള്ളി

പുറത്തു മഴ പെയ്യുന്നു അടഞ്ഞ വാതിലുകള്‍ക്ക് അപ്പുറം
ജാലകങ്ങളില്‍ നേരിയ നനവ്‌ ...തുള്ളികള്‍
ചുറ്റും പച്ചയില്‍ കാറ്റിളകുന്നു ..മര്‍മരം..
രാത്രി നിലാവിന്റെ നിറം മഴനൂലുകളില്‍ പടരുന്നു ..

ഇവിടെ ഈ അടച്ചിട്ട മുറിയില്‍
ഒരു മഴതുള്ളി നിന്നില്‍ ഒരു മഴക്കാലം തിരയുന്നു ..
ഉള്ളില്‍ നീ ഒളിപ്പിച്ച സമുദ്രത്തില്‍ മുങ്ങുന്നു ..
മഴക്കുളിരിന്റെ സാന്ത്വനത്തില്‍ മയങ്ങുന്നു
മഴ പെയ്തുകൊണ്ടേയിരിക്കുന്നു

കഥകള്‍

ആദ്യ കഥ വായിക്കാന്‍ നീ പറഞ്ഞത് ‍
അവസാനഭാഗം പലവട്ടം വായിച്ചു
ആഗ്രഹം പോലെ ..അവസ്സാനിക്കുന്നുണ്ട്
രണ്ടാമത്തെ കഥ ..
നമ്മുടെ കഥ തുടങ്ങിയത് പോലെ ..
അവസാനം മറക്കാന്‍ തോന്നി ..
മൂന്നാമത്തെ കഥയില്‍ ഇന്നുകള്‍ ..
തുടര്‍ന്ന് വായിക്കുന്നില്ല ..
ഇതാണ് ആ കഥ ഒരിക്കലും തീരാതെ നീണ്ടു പോവാന്‍ ..

സ്വപ്നം

രാത്രി മുഴുവന്‍ നിന്നെ കുറിച്ച് സ്വപ്നം കണ്ടു ..
പകല്‍ നിന്നെ കണ്ടപ്പോള്‍ ..
നീ സ്വപ്നം മറന്നതായി തോന്നി ..
ഞാന്‍ മിണ്ടാതിരുന്നു ..

വേനല്‍മഴ

നിന്‍റെ സ്വരം അകന്ന പകലുകള്‍
കാത്തിരിപ്പിന്റെ ദിവസ്സങ്ങള്‍
ഒരു തുള്ളി മഴ ഒരു തളിര്‍കാറ്റ്
ഈ ഉഷ്ണ പകലുകളില്‍ ഒരു തലോടല്‍
നീ പെയ്യാതെ പോയ പകലുകളാണ്
എനിക്ക് വേനല്‍ ..
നിശബ്ദതതയുടെ തീച്ചൂട് ഞാന്‍ അടക്കിയത്
നിന്‍റെ നിശ്വാസങ്ങള്‍ കൊണ്ടാണ് ..
ഉള്ളിലെ കനലുകളില്‍ പെയ്തോഴിഞ്ഞത്
നീയാണ് ..
ഈറന്‍കാറ്റ് വീശുമ്പോള്‍ എനിക്ക് എന്നെ നഷ്ടമാകുന്നു ..
പിന്നെ നീ മാത്രം നിറഞ്ഞു പെയ്യുന്നു ...

വയ്യ

നിന്‍റെ മിഴികോണില്‍ എന്നെ കാണാതെ വയ്യ ..
നിന്‍റെ മൊഴികളിന്‍ മധുരം അറിയാതെ വയ്യ
നിന്‍റെ വിഷാദം ഉള്ളില്‍ ഒരു മുള്ളായി വരയാതെ വയ്യ
നിന്‍റെ രാത്രികളില്‍ പടരുന്ന ചെമ്പകഗന്ധം നുകരാതെ വയ്യ
നീ നടന്ന വഴികളില്‍ കാല്പാടുകള്‍ തേടാതെ വയ്യ
നിന്‍റെ മൌനങ്ങളില്‍ അര്‍ഥം തിരയാതെ വയ്യ
നിന്‍റെ തേനൂറും പ്രണയം നേടാതെ വയ്യ

ഗുല്‍മോഹറുകള്‍ക്ക്

നിന്നോട് ചെവിയോര്‍ത്ത പ്പോള്‍ ..
ഉള്ളില്‍ ഉറഞ്ഞ മഴക്കാലം പെയ്യുന്നുണ്ടായിരുന്നു .
നിന്‍റെ സ്വപ്‌നങ്ങള്‍ കോരി ചൊരിഞ്ഞ ഒരു മഴക്കാലം
നിന്‍റെ ഇതളുകള്‍ പ്രണയം ചുവപ്പിച്ച തളിരുകള്‍ ചൂടി
നിന്‍റെ ചുന്ടില്‍ വസന്തം വിരിയിച്ച പൂക്കളവും
കാത്തിരുപ്പിന്റെ ചൂട് വേനല്‍
മഞ്ഞില്‍ ചേര്‍ന്നു നിന്ന പ്രണയ കാലങ്ങള്‍

പാതയോരത്ത് കൊഴിഞ്ഞ ഇതളുകള്‍ കാലില്‍ തൊട്ടു
ഒരു മിടിപ്പ് ഹൃദയത്തോട് ചേര്‍ന്നു
രക്തം രക്തത്തെ തിരിച്ചറിഞ്ഞത് പോലെ

ഉയിര്‍ത്തെഴുനേല്‍പ്പുകള്‍

തളര്‍ന്നു നടന്ന വഴിയില്‍
ഒരു സ്നേഹ സാന്ത്വനം ..
ചിറകുകള്‍ വിരിച്ചു തന്നത്
നിന്നെ കുറിച്ചുള്ള ചിന്തകള്‍
ആരോഹണത്തിന്റെ വഴികള്‍ നീ തന്നതാണ്
ഉയിര്തെഴുന്നെല്‍ക്കാന്‍ ഒരു മന്ത്രം ..
സ്നേഹത്തിന്റെ ..

വറ്റിയ തടാകങ്ങള്‍

വറ്റിയ തടാകങ്ങള്‍ ‍ഹൃദയത്തില്‍ ഇന്നലെയുടെ നിറങ്ങളെ
സൂക്ഷിക്കുന്നു ..

നിറഞ്ഞു പെയ്ത മഴക്കാലത്തെ ..
വിടര്‍ന്നു പൊങ്ങിയ ആമ്പല്‍ പൂവുകളെ ..
ഊളിയിട്ടിറങ്ങിയ പക്ഷികളെ ..
കൊഴിഞ്ഞു വീണ പൂവുകളെ ..

വരണ്ട തടാകങ്ങള്‍ ഭൂമിയോട് മുഖം ചേര്‍ത്ത് കിടക്കുന്നു ..
കൂമ്പിയ താമര പോലെ ..
മഴയുടെ വിരല്‍തൊടലില്‍ തിരിഞ്ഞു കിടക്കാന്‍ ..
വെയിലേക്ക് ഒരു സൂര്യകാന്തി വിരിയുന്നത് പോലെ ..
ഹൃദയത്തിലെ പച്ചയെ ചുറ്റും പടര്‍ത്താന്‍ ..

വറ്റിവരണ്ട തടാകങ്ങള്‍ സ്വപ്നങ്ങളില്‍ നിറഞ്ഞു തുളുമ്പിയ കാലം സൂക്ഷിക്കുന്നു ..
അതിന്റെ ഉറങ്ങുന്ന മോഹങ്ങള്‍ ഒരു മഴ തുള്ളിയില്‍ ഉണരുന്നു ..
ആഴങ്ങളില്‍ ഒളിഞ്ഞ വിത്തുകള്‍ വിരിഞ്ഞു വളരുന്നു ..
സ്വപ്നങ്ങളുടെ സ്വര്‍ണമത്സ്യങ്ങള്‍ തിളങ്ങി മറയും

നക്ഷത്രങ്ങള്‍ തമ്മിലുള്ള ദൂരം

നീയൊന്നും മിണ്ടാതെ നടക്കുമ്പോള്‍ ..
എനിക്കും നിശബ്ദതയുടെ ഭാഷ മനസ്സിലാവും ..
നക്ഷത്രങ്ങള്‍ തമ്മിലുള്ള ദൂരം ..
നിശബ്ധത കൊണ്ടു അളക്കാനാവും..
പറയാതെ നിറഞ്ഞ കണ്ണുനീരില്‍ ..
അറിയാത്ത കടലിന്റെ ആഴങ്ങളും ..
നെടുവീര്പില്‍ ഒരു തിര ..സഹനത്തിന്റെ ...

വേനലില്‍ ബാക്കിയായത്

വേനലില്‍ ബാക്കിയായത്

വരണ്ട ഇന്നലെകളില്‍
ഓര്‍മകളില്‍ നിറഞ്ഞു പൂത്ത ഒരു ചുവന്ന വാക..
ഈ മണല്‍കാട് താണ്ടു വാന്‍ ..ഒരു മരീചിക
നിലാവ് മാഞ്ഞ രാത്രിയില്‍ അകലെ എവിടെനിന്നോ കേള്‍ക്കുന്ന ഒരു പ്രണയ ഗാനം ..
ഈ ഉരുകുന്ന വേനലില്‍ ഒരു മാത്ര ശിരസ്സുയര്‍ത്തുവാന്‍
ഓര്‍മയില്‍ നിന്‍റെ തലോടലിന്‍ കുളിര് ..
ഈ വേനലിന്റെ ചുടുകാറ്റിനു നേരെ നടക്കാന്‍
നിന്‍റെ വിളികള്‍ ...എനിക്ക് നിന്നടുതെതിയെ തീരൂ
..

നിശ്ശബ്ദത

ഈ നിശ്ശബ്ദത ...
പിന്നെ ,,,പിന്നെ...യ്ക്കും പിന്നേയ്ക്കും ഇടയില്‍ ...
നിശബ്ദം പറയുന്നു ...
പിന്നെയും ..പിന്നെയും
സ്നേഹത്തിനും സ്നേഹത്തിനും ഇടയില്‍ ..
എവിടെയോ
പറയുന്നതിനും പറയാതതതിനും അപ്പുറം
എവിടെയോ ..
ശബ്ദം പേറുന്ന മൌനം ..
മിടിക്കുന്നത് മൌനത്തിന്റെ തുടിപ്പുകള്‍ ...
അറിയുന്നത് ആത്മാവിന്റെ തലോടല്‍ ...

അറിവ്

കൊടുമുടികള്‍ കീഴടക്കിയവരോട് ..
താഴെ തോറ്റു മടങ്ങിയവരെ കുറിച്ച് പറയരുത്‌
പുച്ച്ചതിന്റെ ചന്ദ്രകല വിരിയുന്നത് വേദനയുടെ രാത്രികളിലാവും ...
വസന്തം കടന്നു പോയ വഴികളില്‍ വൈകി പൂത്ത പൂമരത്തോടു
കൊഴിയുവാന്‍ പറയരുത്‌ ...
ഒഴുകി അകലുന്ന കണ്ണുനീര്‍ ചാലുകള്‍ കൊഴിഞ്ഞ പൂവുകളെ
ദൂരെ എവിടെയ്കോ വിളിച്ചു കൊണ്ട് പോവുന്നു ...
താഴ്വാരങ്ങളില്‍ ആരോ വസന്തത്തെ കുറിച്ച് പാടുന്നു

പ്രണയദിനത്തിനപ്പുറം

ചിതറിയ ചുവന്ന ഇതളുകള്‍ .
വിരലില്‍ ഒരു മുള്‍ മുറിവ് ..
സായാഹ്ന സൂര്യന് വിട
ഒരു നെടുവീര്‍പ്പ് ....
പിന്നില്‍ ഇരുട്ടിലേക്ക് ഒരു വഴി ..
സ്വപ്നങ്ങളിലേക്ക്

പ്രണയദിനം

ഇന്ന് ഈ പ്രണയ ദിനത്തില്‍
ഒരു മെയിലും നിന്റെയില്ല... ഇന്ന് നീയെന്നെ വിളിക്കില്ല .
ഒരു എസ് എം എസ് ആശംസയും എനിക്ക് അയക്കില്ല .

നിനക്കറിയാം പ്രണയം ഒരു വന്‍ തിര പോലെ
എന്നെ എടുതുലയ്ക്കുമെന്നു ..എന്നെ വലിച്ച് എറിയുമെന്ന് ..
എന്‍റെ വഴികളില്‍ എന്നെ അന്യനാക്കുമെന്നു ..

ശൂന്യമായ ഈ വഴിയില്‍..
ഇപ്പൊ ഓരോ നിമിഷവും നീ തന്നെയാണ് ..
നീ മാത്രമാണ് ..ചുറ്റും പേരറിയാത്ത
ചുവന്ന പൂവുകളും ..

മുഖം മൂടികള്‍

ഒരിക്കലും നീ കാണരുത് എന്റെ കരയുന്ന മുഖം
പല മുഖംമൂടികള്‍ കയ്യില്‍ കരുതി ..
ചിരിക്കാന്‍ കരുതിയ കോമാളി മുഖം പക്ഷെ
പലപ്പോഴും ചിരിക്കാതിരുന്നു .

അറിയാത്ത വഴികള്‍

ഇനി ഈ ആതിരരാവിനുമപ്പുറം മഞ്ഞ വാകകള്‍ വരവേല്‍ക്കുന്ന ഒരു വേനല്‍ ..
ആര്‍ക്കോ കാത്തു വച്ച ഒരു മാമ്പഴം ...
ഒരു പിന്‍വിളി ..ഒഴിവുകാലം ..

കര്‍ക്കിടക രാത്രികള്‍ ..
അനാദിയായ മഴതുള്ളികള്‍ തൊട്ടു വിടര്‍ത്തുന്ന ഒരു കുട്ടിക്കാലം
പിന്നെ ഒരു പൂക്കാലം ..തളിര്‍ത്തു പൂക്കുന്ന ഓര്‍മകളുടെ പൂക്കളങ്ങള്‍ ..
പിന്നെയും ശരത്കാലത്തിന്റെ ഉത്സവരാവുകള്‍

കാല്‍പാടുകള്‍ മായാതെ ഇനിയും ഈ
മണല്‍ പരപ്പില്‍ നാം..
നീണ്ട ചക്രവാളതിനപ്പുറം ഒരു ചുവന്നസന്ധ്യ കറുത്ത് വളരുന്നു ..
വിരല്‍തുമ്പ് ഞാന്‍ ചേര്‍ത്ത് പിടിക്കട്ടെ ..അറിയാത്ത വഴികളാണ് മുന്നില്‍ ..

അറിയില്ല

എവിടെ തുടങ്ങിയെന്നറിയാം
അറിയില്ല എവിടെയ്ക്കെന്നു..
അറിയില്ല ഏതു വരെയ്ക്കെന്നു
അറിയാത്ത വഴികളുടെ അറ്റം എവിടെയെന്നുമറിയില്ല
ഒരുമിച്ചു നടന്ന വഴികളെ അറിയാം
നടക്കാന്‍ ഇനി എത്ര ദൂരം എന്നറിയില്ല
ഈ ഉറക്കം ഉണരുമ്പോള്‍ നീയെവിടെ..?
ഞാനെവിടെ..?
മാഞ്ഞുപോയ സ്വപ്നം പുനര്‍ജനിക്കുവോളം ..
അറിയില്ല കിനാവുകള്‍ക്ക് പുനര്‍ജന്മമുണ്ടോയെന്നു ,,?

ഒപ്പം നടക്കാം

ഒരു പാദം മയക്കത്തിലും
മറുപാദം സ്വപ്നത്തിലും ..
ചാരനിറം പടര്‍ന്ന
നഗര രാവുകള്‍ ..

തോളോട് തോള് ചേര്‍ന്നു നടക്കാം ..
ഇരുട്ടില്‍ വിരിയുന്ന കിനാപൂവുകള്‍ തൊട്ടു
മറന്നു പോയ ഒരു പൂര്‍വകാലം മനസ്സില്‍ വിരിക്കാം

മുന്നില്‍ ഇനിയും കനല്‍
വഴികളാണ് ..ഒരു കണ്‍ കോണില്‍ ഇത്തിരി സ്നേഹം
മഴതുള്ളിയാവും കുളിര്
നെഞ്ചോട്‌ ചേര്‍ക്കാം

നിന്നോട് ചാരെ ചേര്‍ന്നൊരു സ്വപ്നം ..
രാത്രി വിട പറയുന്നതിനും മുന്‍പേ ..
ഒരുമിച്ചു കാണാം .
ഒരു പാദം മയക്കത്തിലും
മറുപാദം സ്വപ്നത്തിലും ..