ഈ പ്രഭാതത്തിനു നിന്റെ ചിരിയുടെ തിളക്കമുണ്ട് ..
കൊഴിഞ്ഞു പോയ ദിനങ്ങള്‍ക്ക്‌ നിന്റെ തലോടലും ..
എനിക്കറിയാം വസന്തം വിടര്‍ന്നത് എന്നാണെന്ന് ..
വേദനകള്‍ക്ക് മേല്‍ ഒരു പകല്‍ നീ എത്തിനോക്കിയത്‌ അന്ന് തന്നെയെന്നും ..
ഇന്നും അന്നും ഒരു ദിനം എന്‍റെയും നിന്‍റെയും.. വഴികളില്‍ കുറിച്ചത്‌ ..
നീ നടന്ന വഴികളില്‍ അറിയാതെ നിന്റെ കാലടികളെ ചേര്‍ന്ന് നടക്കുന്നു ..
നിന്റെ മുടിയിഴകളെ തലോടിയ കാറ്റാണ് ഈ രാത്രിയെ കടന്നു വന്നത് ..
ഈ കാറ്റില്‍ സ്വപ്നങ്ങളില്‍ വിടര്‍ന്ന പൂവുകളുടെ സുഗന്ധം കലര്‍ന്നിരിക്കുന്നു
എന്നും ഉള്ളുനര്‍ത്തുന്ന ഒരു നനുത്ത തലോടലാവട്ടെ ..നീ ...
നിന്റെ ദിനങള്‍ക്ക് ...ഇരുട്ടില്‍ നക്ഷത്രങ്ങള്‍ വഴികാട്ടിയ യാത്രികന്റെ മംഗളം
