ആഘോഷരാവുകള്

ഓരോ നിറവും വാര്‍ന്നു ഒഴുകിയത്‌ കണ്ണീരിനൊപ്പമായിരുന്നു
എന്‍റെയും ,നിന്‍റെയും

മഴവില്ലിന്‍ നിറം വാര്‍ന്ന മാനം..
ഒഴിഞ്ഞ ചഷകങ്ങളും, തെളിഞ്ഞ ചില്ല് പാത്രങ്ങളും
വാര്‍ന്നു പോയ നിറങ്ങളെ കുറിച്ച് പറയുന്നു ..

അല്ലെങ്കില്‍ എത്ര നിശബ്ദമായി ഒരു
ഭാവവും ബാക്കിയാകാതെ
മൌനം നിറഞ്ഞ ഈ നിമിഷത്തിന്റെ വര്‍ണങളെ
ഹൃദയത്തോട് ചേര്‍ക്കുന്നു ..

നാളെ ഇനിയും വര്ണ വില്ലുകള്‍ തേടിയെത്തും ..
പതഞ്ഞൊഴുകി നിറയും ഇനിയും തൊട്ടറിയാത്ത
പുതിയ ആഘോഷരാവുകള്‍